25 Golden Rules by the Prophet (SAW)

Hazrat Khalid Bin Waleed (RA) rewayat karty hain k aik dafa aik badu (infamous) NABI-MUAZAM JANAB RISALAT MAAB (SAW) ki khidmat main hazir hua aur arz ki...
Ya Rasool Allah ( SAW ) main Aap (SAW ) sy kuch sawal puchna chahta hun.Aap ( SAW ) ny farmaya....."Pucho........"

1. Usny arz ki.....
Main sab sy bara aalim ban-na chahta hun.
APP ( SAW ) ny farmaya..... Takwa ikteyar karo.Sab sy baray aalim ban jao gy.

2.Usny arz ki.....
Main sab sy bara ghani ban-na chahta hun.
APP ( SAW) ny farmaya.....
Qana-at ikhteyar karo.Sab sy baray ghani ban jao gy.

3. Usny arz ki.....
Main sab sy bara aadil ban-na chahta hun.
APP ( SAW ) ny farmaya.....
Jo tujhy pasand hai wohi duceron k liay pasand karo.Sab sy baray aadil ban jao gy.

4. Usny arz ki.....
Main sab sy acha aadmi ban-na chahta hun.
APP ( SAW) ny farmaya.....
Logon ko nafa pohunchao.Sab sy achay aadmi ban jao gy.

5. Usny arz ki.....
Main duceron sy zayada ALLAH ka khas banda ban-na chahta hun.
APP ( SAW ) ny farmaya.....
Allah ka zikr kasrat sy keya kro.ALLAH k khas bandon main sy ho jao gy.

6. Usny arz ki.....
Main apny eeman ko kaamil banana chahta hun.
APP ( SAW) ny farmaya.....
Apny ikhlaq achay karo.Tumhara eeman kaamil ho jy ga.

7. Usny arz ki.....
Main mohsineen main sy hona chahta hun.
APP ( SAW) ny farmaya.....
Allahki ibadat aisy kro k tum Usay dekh rahy ho.Agrchah tum Usay nahi dekh rahy hoty lakin Wo tumhain dekh raha hota hai.

8. Usny arz ki.....
Main chahta hun k ALLAH k farma-bardaron main sy ho jaun.
APP ( SAW ) ny farmaya.....
Faraez ada karo.Farma-bardaron main sy ho jao gy.

9. Usny arz ki.....
Main ALLAH sy gunahon sy paak halat main milna chahta hun.
APP ( SAW) ny farmaya.....
Baad-az janabat foran gusal kr liya kro.ALLAH sy gunahon sy paak halat main milo gy.

10. Usny arz ki.....
Main chahta hun k qayamat k din noor sy uthun.
APP ( SAW ) ny farmaya.
Apny upar aur kisi duceray per zulm na kro.Qayamat k din Allah noor sy utha-ay ga.

11. Usny arz ki.....
Qayamat k rooz Allah mujh per reham karay.
APP ( SAW ) ny farmaya.....
Apny upar bhe reham kro aur duceron per bhe reham kr.Qayamat k rooz Allah tum per reham frema-ay ga.
12. Usny arz ki.....
Meray gunah km hon.
APP ( SAW ) ny farmaya.....
Astagfar ki kasrat kro.Tumhary gunah km ker diay jain gy.

13. Usny arz ki.....
Main logon main sab sy zayada izzat wala ban-na chahta hun.
APP ( SAW ) ny farmaya.....
Kisi ko apni haajat na batao.Sab sy zayada izzat walay ban jao gy.

14. Usny arz ki.....
Main sab sy zayada taqat-war ban-na chahta hun.
APP ( SAW ) ny farmaya.....
Allah per tawakal ikhteyar karo.Sab sy zayada taqat-war ban jao gy.

15. Usny arz ki.....
Mera rizq kushada ho.
APP ( SAW ) ny farmaya.....
Ba-Vuzu raha kro.Tumhara rizq barha diya ja-ay ga.

16. Usny arz ki.....
Qayamat k rooz Allah mujhy apny gusay sy bacha lay.
APP (SAW) ny farmaya.....
Allah ki makhlooq per gusa kerna chor dy.Qayamat k rooz ALLAH k gusay sy bach ja-ay ga.
17. Usny arz ki.....
Main Allah aur Us ke Rasool ( SAW ) ka mehboob ban-na chahta hun.
APP ( SAW) ny farmaya.....
Jo Allah aur Us ke Rasool ( SAW) ko pasand hai tu bhe usay pasand kr.Allah aur Us ke Rasool (SAW ) ka mehboob ban jy ga.

18. Usny arz ki.....
Meri duain kabool hon.
APP ( SAW ) ny farmaya.....
Haraam khana chor dy.Tumhari duain kabool ker lee jain ge.
19. Usny arz ki.....
Qayamat k rooz Allah zillat sy bacha lay.
APP ( SAW ) ny farmaya.....
Apny app ko zina sy bacha lay.Allah tujhy zillat sy bacha lay ga.

20. Usny arz ki.....
Qayamat k rooz Allah meray ayub ko chupa dy.
APP ( SAW ) ny farmaya.....
Apny bhaiyon k ayub ko chupa lo.Allah teray ayub ko chupa lay ga.

21. Usny arz ki.....
Gunahon sy kia cheez nijat dayti hai ?
APP ( SAW ) ny farmaya.....
Ansoo.Tawazo aur Amraaz.

22. Usny arz ki.....
Sab sy azeem nayki kia hai ?
APP ( SAW ) ny farmaya.....
Achay akhlaq.Tawazo aur Museebat per sabar.
23. Usny arz ki.....
Sab sy bari burai kia hai ?
APP ( SAW ) ny farmaya.....
Bad-akhlaqi aur Bukhl.

24. Usny arz ki.....
Duniya aur akhrat main Allah k gusay ko kia cheez thanda kerti hai ?
APP ( SAW ) ny farmaya.....
Chupkay chupky sadqa kerna aur Sila rahmi.

25. Usny arz ki.....
Qayamat k rooz jahanam ki aag ko kia cheez thanda keray ge ?
APP ( SAW ) ny farmaya.....
Duniya main dukhon aur musebaton per sabar kerna.